ஆசிரியர் தினப் பாடல் — வகுப்பு முழுவதும் சேர்ந்து

ஆசிரியர் தினத்தன்று பள்ளியில் எல்லாம் தலைகீழாக மாறும். மூத்த மாணவர்கள் புடவையும் சட்டையும் அணிந்து அன்று ஒரு நாள் டீச்சராகப் பாடம் எடுப்பார்கள், கரும்பலகையில் வண்ணச் சாக்பீஸ் ஓவியம், மேசையில் ரோஜாப் பூவும் கையால் செய்த வாழ்த்து அட்டையும். அந்த நாளில் வகுப்பு சார்பாக ஒரு பாடல் இருந்தால் — எல்லோரும் சேர்ந்து உருவாக்கியது, டீச்சர் வகுப்புக்குள் நுழையும் அதே நொடியில் ஒலிப்பது — அதுதான் அன்றைய பெரிய பரிசு.

இசை தெரிய வேண்டியதில்லை. டீச்சரின் பெயர், அவர் எடுக்கும் பாடம், இந்த ஆண்டின் இரண்டு மூன்று நினைவுகளை எழுதுங்கள். AI அவற்றைச் சுற்றி வரிகளை எழுதி, மெட்டமைத்து, உண்மையான குரலில் சுமார் ஒரு நிமிடத்தில் பாடித் தரும். வகுப்பறையில் போடுங்கள், பெற்றோர் வாட்ஸ்அப் குழுவில் பகிருங்கள் — அன்று மாலை டீச்சர் வீட்டுக்குப் போயும் அதைக் கேட்டுக்கொண்டிருப்பார்.

• மணி அடிப்பதற்கு முன். வகுப்பறை ஸ்பீக்கரில் பாடலைத் தயாராக வையுங்கள், கரும்பலகையை அலங்கரியுங்கள், டீச்சர் உள்ளே நுழையும்போது ஓட விடுங்கள்.
• பள்ளி விழா மேடையில். பேச்சுகளுக்கும் நடனங்களுக்கும் இடையே ஒரு வகுப்பின் பாடல் அழகாகப் பொருந்தும் — முன்பே விழா ஏற்பாட்டாளர்களிடம் கேட்டுக்கொள்ளுங்கள்.
• பெற்றோர் சார்பாக. கடினமான ஆண்டில் பிள்ளையைத் தூக்கி நிறுத்திய ஆசிரியருக்கு பெற்றோர் தனியாக ஒரு பாடல் செய்து, நன்றி மெசேஜுடன் அனுப்பலாம்.
• வீடியோ காலில். வேறு ஊருக்கு மாற்றலான ஆசிரியருக்கு, திரையைப் பகிர்ந்து வகுப்பே சேர்ந்து பாடுங்கள் — இணைப்பு எந்த பிரவுசரிலும் ஒலிக்கும்.

இந்தியாவில் செப்டம்பர் 5 — திருத்தணியில் பிறந்த தத்துவ அறிஞரும் ஆசிரியருமான டாக்டர் சர்வபள்ளி ராதாகிருஷ்ணனின் பிறந்தநாள். சிங்கப்பூரில் செப்டம்பரில் பள்ளிகள் விடுமுறை விடுகின்றன, முந்தைய நாள் மாணவர்கள் கலை நிகழ்ச்சி நடத்துகிறார்கள். மலேசியாவில் மே 16 அன்று தமிழ்ப் பள்ளிகளிலும் கொண்டாட்டம் களைகட்டும். தேதிகள் இந்தப் பக்கத்தின் அட்டவணையில் உள்ளன. எங்கிருந்தாலும் தொனி ஒன்றுதான்: வகுப்பே சேர்ந்து பாட துள்ளலான பாப், விடைபெறும் ஆசிரியருக்கு மென்மையான மெலடி, வரிகளில் மரியாதை — கிண்டல் வீட்டுப்பாட நோட்டோடு நிற்கட்டும்.